२४ आषाढ २०८२, मंगलबार
08-07-2025 , Tue
×

पर्सा प्रहरीले मास्क नलगाउने २८९ जनालाई १०० जरिवाना कार्वाही

Logo
प्रकाशित बुधबार, बैशाख ०८, २०७८


(रवि कुमार वर्णवाल)
वीरगञ्ज । पर्सा प्रहरीले कोरोना भाइरसको संक्रमण व्यापक रुपमा फैलिएको भन्दै मास्क नलगाउने २ सय ८९ जनालाई प्रहरीले कारवाही गरेको छ ।

संक्रमितको संख्या बढ्दै गरेको अवस्थालाई मध्यनजर गर्दै पर्सा प्रहरीले बिना मास्क घर बाहिर निस्किेन व्यक्तिलाई दण्डित गर्न शुरु गरेको हो । यसअघि सोमबार ४ सय ४२ जनालाई कारवाही गरेको पर्सा प्रहरीले मंगलवार २ सय ८९ जनालाई कारवाही गरेको हो ।

वीरगञ्जको मूख्य सडक, मुख्य चौकसहित पर्सा जिल्लाका १४ वटै स्थानीय तहमा जिल्ला प्रहरी कार्यालय पर्सा मातहतका प्रहरी युनिटहरुले बिना मास्क हिँडडुल गर्नेलाई कारवाही गरेको पर्साका प्रहरी प्रवक्ता एवम् प्रहरी नायब उपरिक्षक ओमप्रकाश खनालले बताए ।

डिएसपी खनालका अनुसार संक्रामक रोग ऐन २०३० बमोजिम जिल्ला प्रशासन कार्यालय पर्साको निर्देशन मास्क नलगाउनेलाई कारवाही गर्ने कार्य अघि बढाएको हो ।बिना मास्क बजारमा भेटिएकाहरुलाई नियन्त्रणमा लिई एक पटकको लागि एक सय रुपैयाँ जरिवाना तिराउने र सम्झाईबुझाई गरी अब उपरान्त बिना मास्क घरबाहिर ननिस्कने सर्तमा एक थान मास्क समेत दिएर छोड्ने गरेको खनालको भनाई छ ।

 

स्थानीय प्रशासनको आग्रहलाई अटेरी गर्दै स्वास्थ्य सुरक्षा मापदण्ड पूरा नगर्ने व्यक्तिमा जनचेतना अभिवृद्धि गर्न कारवाही गर्ने अभियान थालिएको जिल्ला प्रशासन कार्यालय पर्साका सहायक प्रमुख जिल्ला अधिकारी भिमकान्त पौडेलले बताए ।

कोरोना भाइरसको महामारीबाट जोगिन स्वास्थ्य सुरक्षा मापदण्ड पालन गर्दै भिडभाड नगर्न पनि प्रशासनले आग्रह गरेको छ ।

कमेन्ट गर्नुहोस्
सम्बन्धित

बाँके । जिल्ला ट्राफिक प्रहरी कार्यालय बाँके कोहलपुरको माहतहतमा अस्थायी ट्राफिक प्रहरी पोष्टहरुले विभिन्न स्थानहरुमा,दुई पाङ्ग्रे सवारी चालकहरु, अन्य सवारी चालक ,सह चालक साईकल यात्री, सर्वसाधरणहरुलाई भेला जम्मा गराई ट्राफिक नियम ,लेन अनुशासन ,ओभेरटेक गर्ने तरिका , सडक प्रयोग गर्दा ध्यान दिनु पर्ने कुरा ,सवारी दुर्घटनाबाट बच्ने उपायका बारेमा सचेतना गरिएको बाँके जिल्ला ट्राफिक प्रहरीले […]

  दाङ । गढवा धानखोल कृषि सहकारी संस्था लगायत अन्य सहकारी संस्थामा भएको भनिएको बजेट दुरुपयोग तथा घोटालाको निष्पक्ष छानबिनको माग गर्दै गढवा गाउँपालिकामा अनसनरत रहेका स्थानीय युवा तथा सामाजिक अभियन्ता सन्देश भण्डारीले आफ्नो अनसन अन्त्य गरेका छन्। भण्डारीले उठाएका मागहरू अख्तियार दुरुपयोग अनुसन्धान आयोगसम्म पुगेको र सो मामिलामा गाउँपालिका पूर्णरूपमा सहयोग गर्न तयार रहेको […]

  काठमाडौं । संस्कृति, पर्यटन तथा नागरिक उड्डयन मन्त्रालयले यस विधेयकमा दुर्घटना, चोटपटक, अंगभंग, मृत्यु र मालसामानको क्षतिपूर्ति व्यवस्था समेटेको छ, जसमा क्षतिपूर्ति रकम पाँच गुणा वृद्धि गरिएको छ। यस विधेयकमा यात्रु, मालसामान र उडान रद्द वा स्थगनको व्यवस्था समेत समेटिएको छ, र सर्वसाधारणले राय सुझाव दिन सक्ने व्यवस्था छ। सरकारले आन्तरिक उडान क्रममा हवाईजहाज […]

error: Content is protected !!