(सर्मिला बोगटी)
धनगढी । कञ्चनपुर कारागारमा क्षमताभन्दा चार गुणा बढी कैदीबन्दी हुँदा व्यवस्थापन र सुरक्षामा सकस भएको छ। कारागार स्थापनाकालमा २३ जना कैदीबन्दी राख्ने क्षमता गरि स्थापना गरेको कारागारमा कैदीबन्दी बढ्दै गएपछि ९५ जना कैदीबन्दी राख्ने क्षमता विस्तार गरिएको छ।
हाल ९५ क्षमताको कारागारमा ३ सय ९१ जना कैदीबन्दी थप भएपछि कारागार व्यवस्थापन समस्या भएको हो। कारागारमा कैदीबन्दी बढी हुँदा कतिपय कैदीबन्दी बढ्दै गएपछि शौचालयमा लाईन लाग्नुपर्ने अवस्था आएको छ। त्यसमाथि जिल्लामा सुरक्षित सवारी र जनशक्ति थप नहुँदा कारागार व्यवस्थापनलाई झनै सकस परेको छ।
कारागारको स्वामित्वमा रहेको पुरानो गाडी विग्रेका कारण कैदीबन्दी विरामी हुँदा अस्पताल तथा मुद्दाको लागि अदालत लैजानका लागि पैदल जानुपर्ने अवस्था सिर्जना भएको छ। त्यसैगरी कारागार प्रशासन र जिल्ला सुरक्षा समितिले पनि कारागारको अवस्था जिर्ण रहेको र नयाँ व्यवस्थापनमा पहल गर्न केन्द्रमा पत्राचार गरे कञ्चनपुर कारागार कार्यालयले जनाएको छ। कार्यालयका अनुसार अहिलेसम्म पत्रको कुनै सुनुवाई नभएको छैन।
कञ्चनपुर प्रहरीले लागू औषध नियन्त्रणका लागि जिल्लाभर चलाएको अभियान अन्र्तगत अहिले ब्राउन सुगर, खैरो हिरोइन लगायतका लागू पदार्थसहितका प्रकरणमा दिनहुँ जसो अभियुक्तहरु पक्राउ परिरहेका छन् ।
