ट्रकले किचेर बृद्धको मृत्यु

सलिम अनसारी,प्युठान : ट्रकले किचेर प्यूठानमा एकजना बृद्धको ज्यान गएको छ । मंगलबार राति दाङको भालुवाङबाट प्युठान तर्फआउदै गरेको लु १ ख ४१२४ नवंरको ट्रकले सरुमारानी गाउँपालिका-२ रत्‍ने प्यूठानमा पैदलयात्रुलाई ठक्कर दिदा उनको घटनास्थलमै ज्यान गएको हो । सोही गाउँपालिका-१ दर्भान निवासी ६७ वर्षीय दलबहादुर सुनारको ज्यान गएको प्रहरीले जनाएको छ। राति घटना भएपनि बुधबार बिहान सात बजेमात्र प्रहरीले खबर पाएको प्यूठान प्रहरीले बताएको हो । ठक्कर दिने ट्रक र त्यस्का चालकलाई प्रहरीले थक्लेनीबाट नियनत्रणमा लिएको प्युठान प्रहरी प्रमुख राजेन्द्र पोख्रेलले बताए ।घटनापछि फरार गाडीसहित चालक फरार थिए । यो संगै अबरुद्ध प्युठान भालुवाङ सडक समेत सुचारु भएको छ ।
आक्रोशित स्थानीयले दोषीलाई नियन्त्रणमा नलिँदासम्म सडक अवरुद्ध गर्ने चेतावनी दिदै शडकमै सव राखेर यातायातका साधन चल्न दिएका थिएन्न । पिडितलाई कानुन बमोजिम क्षतिपुर्ती दिने सहमती पश्चात् अबरुद्ध सडक खुलाईएको हो।