(ABC-Sanchar)
वीरगञ्ज । नारायणी अस्पतालमा उपचाररत ६४ जना कोरोनामुक्त भएर घर फर्केका छन् ।
अस्पतालले उपलब्ध गराएको तथ्यांक अनुसार ०७७ चैत १५ गतेदेखि अस्पतालमा भर्ना भएका १ सय ४१ जना संक्रमितमध्ये ६४ जना कोरोना संक्रमणमुक्त भएर घर फर्केका हुन् ।
यस अवधिमा २४ जनाले संक्रमणबाट आफ्नो ज्यान गुमाएको नारायणी अस्पतालका प्रवक्ता डा. सरोज सिंहले जानकारी दिए ।
त्यसैगरी ४ जनालाई थप उपचारका लागि अन्य ठाउँ रिफर गरिएको उनले बताए । डा. सिंह अनुसार २ जना संक्रमित भने आफ्नो इच्छाले थप उपचारका लागि अन्य ठाउँ गएका छन् ।
यता पछिल्लो २४ घण्टामा थप ७ जना संक्रमितलाई अस्पतालमा भर्ना गर्दा ५ जनालाई डिस्चार्ज गरिएको उनले जानकारी दिए । यस अवधिमा एकजना संक्रमितले आफ्नो ज्यान गुमाएका छन् ।
