(रवि वर्णवाल)
वीरगञ्ज । जिल्ला प्रहरी कार्यालय रौतहटले स्टक गरि राखेको ४३ वटा अक्सिजन सिलिण्डर नियन्त्रणमा लिएको छ ।
कोरोना भाइरसको महामारीमा अक्सिजनको अभाव भइरहँदा स्वास्थ्य प्रयोजनबाहेक अन्य प्रयोजनका लागि प्रयोग गर्ने उद्देश्यले स्टक गरी राखेको अक्सिजन सिलिण्डर रौतहट प्रहरीले नियन्त्रणमा लिएको हो ।
रौतहटको गरुडा, गौर, चन्दपुर लगायतका ७ स्थानबाट ७ किलो तौल भएको २८ वटा, १.५ किलो तौल भएका ३ वटा र ७ किला तौल भएका खाली अक्सिजन १२ वटा अक्सिजन सिलिण्डर प्रहरीले नियन्त्रणमा लिएको हो ।
नियन्त्रीत सिलिण्डरलाई स्वास्थ्य प्रयोजनमा प्रयोग गर्ने र गराउने तथा स्टक गर्नेहरुलाई आवश्यक कारवाहीका लागि अनुसन्धान अघि बढाइएको रौतहटका प्रमुख प्रहरी उपरिक्षक सिद्धिबिक्रम शाहीले जानकारी दिए ।
