ABC (क्राईमबिट)
दाङ । तुलसीपुरमा काठ तस्कर भएको छ भन्ने गोप्य सूचना आए पछी प्रहरीले । तुलसीपुरमा १७ थान (३६.७२ क्युफिट ) सालको काठसहित सात जनालाई प्रहरीले पक्राउ गरेको छ । मंगलबार दिउँसो अवैध सालको चिरान काठ लोड गरी तुलसीपुर तर्फ ल्याउदै गरेको गोप्य सूचनाका आधारमा तुलसीपुर उपमहानगरपालिका ३ भगवती टोलस्थित रा १ ख २३७५ नम्बरको बस र ७ जनालाई पक्राउ गरिएको ईलाका प्रहरी कार्यालय तुलसीपुरका प्रहरी प्रमुख डिएसपी शिव बहादुर सिंहले बताए ।
पक्राउ पर्नेमा तुलसीपुर उपमहानगरपालिका ६ निवासी १८ वर्षीय विजय चौधरी, सोही ठाउँका ३८ वर्षीय शिव परियाार, ३२ वर्षीय समिर चौधरी, २० वर्षीय सन्तोष चौधरी, ३१ वर्षीय चुमान सिंह चौधरी, २० वर्षिय मजोज चौधरी (चालक) र २० वर्षीय श्यामलाल चौधरी रहेका छन् । उनीहरुलाई थप कार्वाहीका लागि सव डिभिजन वन कार्यालय तुलसीपुरमा पठाएको डिएसपी सिंहले बताए ।
उनीहरुले तुलसीपुर उपमहामनगरपालिका वडा न। १ र ३ प्यालिखोलीको भमके खोलामा निर्मित पुल नै भत्काएर सोही काठ तस्कर गर्न तयारीमा थिए ।
