(महेन्द्र सिंह)
बर्दिया । लागु औषध कारोबरमा संलग्न ३ जना प्रहरीको फन्दामा परेका छन् ।
ईलाका प्रहरी कार्यालय मैनापोखरले बढैैयााताल गाउँपालिका–२ सत्पतिया चोक नजिकबाट ६ सय ८४ ग्राम लागू औषध चरेस सहित ३ जनालाई नियन्त्रणमा लिएको छ ।
विशेष सुचनाको आधारमा लागू औषध करोबारीलाई पक्राउ गर्न सफल भएको ईलाका प्रहरी कार्यालय मैनापोखरका अनुसार पक्राउ पर्नेमा खजुरा गाउँपालिका–६ सिमलघारी बस्ने २६ वर्षिय कमल बिश्वकर्मा, ३२ वर्षिय काली बहादुर चदरा र बढैयाताल गाउँपालीका–८ सितलाबजारका ४८ वर्षिय बल बहादुर कामी रहेका छन् ।
लागू औषध चरेस किनबेच गर्दै गरेको अबस्थामा शुक्रबार साझ ५ बजेर ३० मिनेटको समयमा प्रहरीले तीनै जनालाई नियन्त्रणमा लिएको हो । नियन्त्रणमा लिई थप अनुसन्धान भईरहेको जिल्ला प्रहरी कार्यालय बर्दियाका प्रहरी प्रमुख एसपी ईश्वर कार्कीले जानकारी दिए ।
