(सागर थापा)
दाङ । उपरोक्त सम्बन्धमा सोसल मिडिया (WhatsApp, Viber, Imo ) मार्फत अपरिचित व्यक्ती तथा संस्था वाट तपाईको नाममा लटरी चिट्ठा, उपहार परेको छ भनि प्रलोभनमा पारी ठगी गरेको भन्ने गुनासा निवेदन यस कार्यालयमा प्राप्त भएको सम्बन्धमा सोसल मिडिया (WhatsApp, Viber, Imo) मार्फत स्वदेश तथा विदेशमा रहेका ठगी गर्ने गिरोह तथा व्यक्तीहरुले बिश्वासमा पार्ने भिडियो, लटरी चिट्ठा सम्बन्धी कागजातहरु बनाई लटरी चिट्ठा वापतको पैसा प्राप्त गर्नको लागि कर लाग्छ उक्त कर वापतको रकम पठाई दिनुस भनि ठगी गर्ने, तपाईको बैंक एकाउन्ट (खाता नम्बर) मा लटरी परेको रकम पठाई दिन्छौ भनि व्यक्तीगत विवरण, (खाता नम्बर, फोन नम्बर, पिनकोड र पासवर्ड) जस्ता गोप्य विवरण मागी उक्त विवरण दुरुपयोग (ह्याक) गरी खातामा भएको रकम ठगि गर्ने गिरोहले निकाली ठगी गर्ने, ठगि गर्ने व्यक्ती तथा गिरोहले सोसल मिडिया फेसवुक म्यासेन्जरमा साथी वनी व्यक्तिगत विवरण मागि उक्त विवरणको दुरुपयोग गरी ठगि गर्ने गरेको भन्ने निबेदन, जाहेरी र घटनाक्रमवाट देखिन आएको हुँदा सम्पूर्ण सर्वसाधारण महानुभावहरुमा यसरी स्वदेश तथा विदेश वाट अपरिचित व्यक्ति तथा गिरोहको फोन, म्यासेज, कुनै सन्देश वाट लटरी चिट्ठा पर्यो भनि प्रलोभनमा पारी व्यक्तीगत विवरवण ( बैंकको खाता नम्बर, मोबाईल नम्बर, मोबाईलमा प्राप्त पिनकोड, पासवर्ड) मागी उक्त विवरणको दुरुपयोग (ह्याक) गरी खाता, रहेको रकम झिक्न सक्ने,लोटरी चिट्टा बापतको कर तिर्न कुनै रकम मागगरी ठगी गर्न सक्ने भएको हुँदा सो तर्फ सचेत रही त्यस्ता अपरीचित व्यक्तिको फोनकल, म्यासेज र संदेशको बिश्वासमा नपर्न हुन र कुनैपनी खालको रकम नपठाउनुहुन अनुरोध गरिन्छ ।
साथै लटरी, चिट्ठा, उपहार परेको छ भनि नचिनेको व्यक्ति समुहले स्वदेश तथा बिदेशबाट संकास्पद फोनकल, म्यासेज, सन्देश प्राप्त भई कुनै खालको रकम माग गरेमा वा व्यक्तिगत विवरण(खाता नं., पासवर्ड, पिनकोर्ड) माग गरेमा तुरुन्त यस कार्यालय वा नजिकको प्रहरी कार्यालयमा सम्पर्क गर्न हुन अनुरोध ।
नम्बर:-०८२-५६०१९९, ९८५७८९०१०१, हटलाईन:-१००,
