(सागर थापा)
बाँके । ईलाका प्रहरी कार्यालय कोहलपुरले आफ्नो मातहतमा कार्यरत प्रहरी कर्मचारीलाई भिड नियन्त्रण तथा मानव अधिकार बारे पुनर्ताजगी कार्यक्रम अभियान सुरु गरेको छ । 
प्रहरी संगठनमा आवद्ध हुँदा प्रत्यक प्रहरी कर्मचारीले भिड नियन्त्रण तथा मानव अधिकार बारे सजग रहन गरिनु पर्ने तालिम ईलाका प्रहरी कार्यालय कोहलपुरले आफ्ना मातहतका कर्मचारीलाई पुन अभ्यास गराइरहेको छ ।
प्रहरीबाट मानव अधिकार रक्षा र प्रवर्द्धनमा कहिँकतै चुक नहोस भन्ने अभिप्रायले प्रेरित रहेर पुनर्ताजगी तालिम गराइएको ईलाका प्रहरी कार्यालयका प्रमुख प्रहरी उपरिक्षक(डेपुटी सुपरिटेन्डेन्ट अफ पोलिस) रबिन्द्र खनालले बताउनुभयो ।
प्रहरीलाई शान्ती सुरक्षा कायम गर्न गराउन समय परिस्थिति अनुसार भिड नियन्त्रण गर्नु पर्ने र सोही क्रममा जनता र प्रहरीबिचको सम्बन्धपनी मजबुत गराउनुपर्ने दोहोरो भुमिका प्रहरीले खेल्नुपर्ने हुन्छ ।
त्यस्ता खालका परिस्थितिमा मानवअधिकारको रक्षा गर्दै शान्ती सुरक्षा कायम गर्न अत्यावश्यक रहेको तालिम पुन रिहर्सल गराएर ईप्रका कोहलपुर जनताको जीउ-धन तथा मानवाधिकारमा कटिबद्ध छ भन्ने सन्देश दिएको छ ।
