पशुपति क्षेत्र विकास कोष परिसरमा रोपियो वनस्पति गुर्जोको ५ सय विरुवा

(ABC-Sanchar)
काठमाडौं । पशुपति क्षेत्रमा गुर्जोरोपन कार्यक्रम सम्पन्न भएको छ ।पशुपति बिकास कोषको आयोजनामा र बागमति सरसफाइको समन्वयमा शनिवार विहान ८ बजे पशुपति क्षेत्रमा गुर्जाेराेपण गर्न पशुपति विकास काेष कार्यालयमा एक कार्यक्रम आयाेजना गरि गुर्जाेराेपणकाे शुरूवात गरिएको थियो ।

त्यसै गरि गुर्जाे वेर्ना हरेक घर घरमा गुर्जाे हुनुपर्छ, प्रत्येक पाटी पाैवामा हुनुपर्छ भनि गत साल देखि गुर्जाेलाई देशव्यापी रूपमा अभियानकाे रूपमा लैजाने गर्जाेका प्रमुख अभियन्ता कमल बहादुर राजलवटले नि:शुल्क सेवा प्रदान गर्नु भएकाे थियाे । उक्त कार्यक्रम राष्ट्रिय याेजना आयाेगका माननीय सदस्य मीन बहादुर शाहीको प्रमुख आतिथ्यमा भएको सो कार्यक्रममा उक्त काेषका कार्यकारी निर्देशक घनश्याम खतिवडाले गुर्जाेकाे उपयाेगिताकाे बारेमा चर्चा गर्नुभएकाे थियाे । साथै गुर्जाेकाे महत्व एंव गुर्जाे अभियानकाे बारेमा गुर्जाे अभियन्ता कमल बहादुर राजलवटले प्रष्टयाउनु भएकाे थियाे । उक्त अवसरमा याेग गुरु किशाेर जाेशीबाट केही बेर याेग पनि गराईयाे ।
सो कार्यक्रममा बाग्मति लगायत थुप्रै अभियन्ताहरू सक्रिय सहभागिता रहेको थियाे । करिव ५०० बेर्नाबाट आज भएकाे शुरूवातलाई पुरै पशुपति क्षेत्रलाई नै ढाकिने गरि गुर्जाेराेपण गर्दै लैजाने गुर्जाे अभियन्ताले जनाए ।

उपस्थित सबैलाई गुर्जाेकाे चिया खुवाउदै गुर्जाेकाे चिया प्याकेट तथा गुर्जाे सहितकाे धुलाे औषधी प्याकेट पनि सेवा गरियाे । गत वर्ष मात्र नेपाल अधिराज्य भरि १लाख ५० हजार भन्दा बढी गुर्जाे बेर्ना नि:शुल्क बितरणकाे सेवा, ८ हजार के.जी. भन्दा बढी काचाे गुर्जाे तथा करिव २ लाख भन्दा बढीलाई गुर्जाे चिया सेवन गराउनुका साथै १० हजार भन्दा बढी काेराेना संक्रमित परिवार तथा व्यक्ति लाई सन्चाे पारिएकाे थियाे ।