(महेन्द्र सिंह)
बाँके । जिल्ला प्रहरी कार्यालय बाँकेका प्रहरी प्रमुख एसपी ओम बहादुर रानाको सरुवा भएको छ । प्रहरी प्रधान कार्यालयले ५२ जना प्रहरी उपरीक्षकको सरूवामा बाँकेका एसपी रानाको पनि सरुवा गरेको हो ।
रानाको प्रहरीको प्रदेश कार्यालय भैरहवा सरुवा भएको छ । बाँकेमा नयाँ एसपीका रुपमा श्यामकृष्ण अधिकारी आउने हुनु भएको छ । यस्तै प्रहरी प्रधान कार्यालयले ५७ जना प्रहरी नायब उपरीक्षक (डिएसपी)को पनि सरूवा गरेको छ ।
प्रधान कार्यालयका अनुसार बाँकेका डिएसपी सुभास खड्काको काठमाडौं उपत्यका ट्राफिक प्रहरी महाशाखा ट्राफिक अपराध अनुसन्धान तथा अभिलेखन शाखामा सरुवा भएको हो ।
खड्काको सरुवासंगै बाँकेमा नयाँ डिएसपीका रुपमा मधुसुदन न्यौपाने आउनुहुने भएको छ । न्यौपाने इलाका प्रहरी कार्यालय टिकापुरबाट बाँके आउन लाग्नुभएको हो ।
