(सर्मिला बोगटी)
धनगढी । कञ्चनपुर प्रहरीले लागु औषधसहित दुई जनालाई पक्राउ गरेको छ। भीमदत्त नगरपालीका ६ शिब मन्दिर नजिकैबाट भीमदत्त नगरपालीका ९ बह्मदेवका २० वर्षिया मोहन पन्त र भीमदत्त नगरपालीका ६ ऐठपुरका २६ बर्षिया राम साउँदलाई पक्राउ गरेको हो।
जिल्ला प्रहरी कार्यालय कञ्चनपुर प्रहरी निरीक्षक अमर सिंह माझी को नेतृत्वमा खटिएको प्रहरी टोलीले पुर्ब पश्चिम राजमार्गको शिब मन्दिर नजिकै म २ प ९८६६ नम्बरको मोटरसाइकल रोकि लागु औषध (खैरो हेरोईन) को कारोबार गरी रहेका दुई जनालाई २३.२५ ग्राम लागु औषध र लागुऔषध नापतौल गर्ने डिजिटल मेसिन थान १ सहीत पक्राउ गरेको जनाएको छ। यसबारे कानुन बमोजिम थप अनुसन्धान भई रहेको प्रहरीले जनाएको छ।
