काठमाडौँ । दक्षिण फिलिपिन्समा सैन्य विमान दुर्घटनामा परी मृत्यु हुनेको सङ्ख्या ५० पुगेको छ । ९६ यात्रु बोकेको लकहिड सी–१३० विमान दुर्घटनामा परेको थियो । विमानमा अधिकांश सेनाहरू रहेको बताइएको छ ।
घटनामा ४९ जना सैन्य अधिकारीहरू घाइते भएको बिबिसीले उल्लेख गरेको छ । दुर्घटनामा तीन स्थानीय सर्वसाधारणको मृत्यु भएको बताइएको छ ।
दुर्घटनाको अनुसन्धान भइरहेको फिलिपिन्सको सुरक्षा बलले एबीएस–सीबीएनलाई जानकारी दिएको छ । विमानमा बाहिरी आक्रमणको कुनै सङ्केत नदेखिएको जनाइएको छ ।
उक्त विमान यसअघि अमेरिकी एयर फोर्सको सेवामा रहेको थियो । फिलिपिन्सलाई जनवरीमा मात्रै हस्तान्तरण गरेको थियो ।
१९८८ मा यो विमानको पहिलो उडान गरेको एभिएसन सेफ्टी नेटवर्कले जनाएको छ । एजेन्सी
