ABC (क्राईमबिट) दाङ । दाङ प्रहरीले चोरीको कारसहित एक जना किशोरलाई आज पक्राउ गरेको छ । पक्राउ पर्नेमा दाङ तुलसीपुर उप-महानगरपालिका-५ न्युरोड बस्ने १७ वर्षीय नबिन सार्की रहेका छन् । आजभन्दा करिब १०/१५ दिन अगाडी धादिङबाट बा१६च ८७३५ नम्बरको कार चोरी भएकोमा आज ईलाका प्रहरी कार्यालय तुलसीपुर दाङको प्रहरी टोलिले नियमित सवारी साधन चेकजाँच गर्ने क्रममा सार्कीले चलाइरहेको अवस्थामा उक्त कार फेला परेको प्रहरीले जनाएको छ । उक्त कार तथा चोरीमा संलग्न व्यक्तिलाई नियन्त्रणमा लिई आवश्यक अनुसन्धान भइरहेको छ । साथै उक्त कार कोही कसैको भएमा आवश्यक कागजपत्र साथमा ल्याई जिल्ला प्रहरी कार्यालय दाङ (९८५७८९०१०१ र ९८५७८९०१८७) नम्बर मा सम्पर्क गर्न समेत प्रहरीले अनुरोध गरेको छ ।
