(ABC-Sanchar)
दाङ । घोराही उपमहानगरपालिका भित्र संचालित औषधी व्यवसायीलाई औषधीहरुको कानून सम्मत बिक्री बितरण गर्न आग्रह गरिएको छ । नेपाल औषधी व्यवसायी संघ दाङ शाखाले सोमबार लागुऔषध दुव्र्यसन सम्बन्धि छलफल बिषयमा घोराही उपमहानगरपालीका भित्र संचालित औषधी व्यवसायीहरुलाई बोलाएर छलफल गरेको छ ।
‘जिल्ला प्रहरी कार्यालय दाङ्गले औषधीहरुको कानून सम्मत बिक्री बितरण, औषधी व्यवसाय संचालन लगाएतका बिषयमा छलफल गरी कार्यान्वयन गराउनुस भनेर भनेको हुँदा सबै औषधि व्यवसायीलाई बोलाएर छलफल गरेका हौँ’ पौडेलले भने।
जिल्ला प्रहरी कार्यालय दाङ्गका प्रहरी प्रबक्ता डिएसपी मुकुन्द रिजालले औषधी व्यवसायी बीच सहकार्य हुनु पर्ने र लागु औषध दुव्र्यशनीहरुलाई त्यस्ता प्रकारका औषधी दिन नहुने बताए। साना उमेरका वालवालिकाहरुलाई पनि औषधी दिने बेला बिचार पुर्याएर मात्र दिनु पर्छ डिएसपी रिजालले भने।
