ABC (क्राईमबिट)
दाङ । जिल्ला प्रहरी कार्यालय दाङले रेडपाण्डाको छाला सहित सल्यानका एक जना पक्राउ परेका छन् । घोराही उपमहानगरपालिका ११ खैरामा रेडपाण्डाको छाला बिक्रि बितरण तथा ओसारपसार भईरहेको भन्ने बिशेष सुचनाका आधारमा जिल्ला प्रहरी कार्यालयबाट खटिएको (सिबिल) प्रहरी टोलीले सल्यानको छत्रेश्वरी गाउँपालिका १ दामाचौरका ३२ बर्षिय लोकमान सुनारलाई पक्राउ गरेको हो ।
चेकजाँच गर्ने क्रममा प्रहरीले सुनारको झोलाबाट ३ फिट ३ ईन्च लम्वाई र ८ ईन्च चौडाई भएको नङ्ग्रा सहितको पुच्छरदेखि टाउको सम्मको सुकेको छाला एक थान, रा ४ प ९८५० नम्वरको एउटा मोटरसाईकल र दुई वटा मोवाईल बरामद गरेको छ ।
पक्राउ परेका सुनार माथी थप अनुसन्धान भईरहेको जिल्ला प्रहरी कार्यालय दाङका प्रहरी प्रवक्ता डिएसपी मुकुन्द रिजालले जानकारी दिनुभएको छ ।
