ABC (क्राईमबिट)
बिर्तामोड । भन्सार छली भित्र्याइएको ६ सय ४० केजी माछा प्रहरीले नष्ट गरेको छ । भारतबाट अवैध रुपमा भित्र्याइएको १६ कार्टुन माछा प्रहरीले आइतबार बिहान ८ बजे गौरादह नगरपालिका ३ सहिद गेटबाट नियन्त्रणमा लिएको थियो ।
मे १ च ३६३२ नम्बरको म्याजिक भ्यानमा ल्याउँदै गरेको अवस्थामा भ्यानसहित माछा नियन्त्रणमा लिएको जिल्ला प्रहरी कार्यालयका डीएसपी बसन्त पाठकले जानकारी दिए ।
नियन्त्रणमा लिएको माछा आइतबार मध्याह्न स्थानीय, पत्रकार, जनप्रतिनिधिलगायतको उपस्थितिमा खाडल खनी नष्ट गरेको डीएसपी पाठकले बताए ।
