ABC (क्राईमबिट)
धनुषा । प्रहरी प्रमुख एसपी बसन्त रजौरेले लुटेरा समूहको आक्रमणबाट एकजना प्रहरी सहायक निरीक्षक घाइते भएको बताए । उनका अनुसार बटेश्वरी प्रहरी चौकीमा कार्यरत प्रहरी सहायक निरीक्षक (असई) मनोज पोखरेल घाइते भएका छन् । उनको टाउकोमा चोट लागेको छ ।
मंगलबार राति महोत्तरीको भंगहा नगरपालिका ७ बस्ने अमित पासवानको घरमा लुटपाट भइरहेको सूचना पाएपछि खटिएको गस्ती टोलीमाथि लुटेराले आक्रमण गरेका थिए ।
प्रहरीमाथि आक्रमण गर्ने ५ जनालाई नियन्त्रणमा लिएर अनुसन्धान शुरु गरिएको प्रहरी प्रमुख रजौरेले बताएका छन् ।
