ABC (क्राईमबिट)
काठमाडौं । प्रधानमन्त्री शेरबहादुर देउवाले मन्त्रिपरिषद् बैठक आह्वान गरेका छन्। मन्त्रिपरिषदको नियमति बैठक आज दिउँसो २ बजे बस्ने लागेको हो।
मन्त्रिपरिषदको नियमित बैठक सोमबार र बिहीबार बस्ने गर्छ। सम्भवतः आजको बैठकमा नेपाल प्रहरीमा नयाँ प्रहरी अतिरिक्त महानिरीक्षक (एआईजी)को सिफारिस हुनेछ।
यसअघि सरकारले प्रहरीमा एआईजीको ३ वटा दरबन्दी थप्ने निर्णय गरेको छ। ‘त्यसैले आजको बैठकमा थपिएको दरबन्दीमा ३ जना प्रहरी नायब महानिरीक्षक डिआईजी) लाई बढुवा सिफारिस गर्नसक्छ,’ एक मन्त्रीले भने।
यस्तै, बैठकमा एमसीसीबारे पनि छलफल हुनेछ। सत्ता गठबन्धनमा एमसीसी पेचिलो भइरहेका बेला मन्त्रिपरिषद बैठकमा एमसीसी सम्झौताबारे विशेष छलफल हुने काँग्रेसका एक मन्त्रीले जानकारी दिए।
