ABC ( Sanchar) काठमाडौं । नियन्त्रित लागुऔषधसहित मोरङबाट दुईजना पक्राउ परेका छन् । भारतबाट नेपालतर्फ आउँदै गरेको प्रदेश १–०२–०४८ प. ३९७५ नम्बरको मोटरसाइकल जाँच गर्ने क्रममा लागुऔषधसहित उनीहरू पक्राउ परेका हुन् ।
पक्राउ पर्नेहरूमा सुनसरी धरान उपमहानगरपालिका–९का ३० वर्षीय आकाश सुन्दास, सोही उपमहानगरपालिका–१५ बस्ने ३८ वर्षीय मिलन लिम्बू रहेको प्रहरीले जनाएको छ ।
विराटनगर महानगरपालिका–१६ दक्षिण गेटबाट नियन्त्रित लागुऔषध नाइट्रोसन ६० ट्याब्लेट र डाइलेक्स डिसी चार बोटलसहित प्रहरीले उनीलाई पक्राउ गरेको हो ।रासस
