ABC-Sanchar
काठमाडौं । भारतको उत्तर प्रदेशस्थित हरदोई जिल्लामा ४ हात र ४ खुट्टा भएको एक बच्चा जन्मिएको छ।
सहवाद कम्युनिटी हेल्थ सेन्टरमा करिना नाम गरेकी महिलाले गत शनिबार त्यस्तो बच्चालाई जन्म दिएकी हुन्।
चिकित्सकहरुका अनुसार जुम्ल्याहा बच्चा पेटमा विकसित नभएपछि यस्तो बच्चा जन्मिएको हो।
यसरी ४ हात र ४ खुट्टा भएको बच्चा जन्मिएपछि मानिसहरुले भने ती बच्चालाई भगवान भन्न थालेका छन्।
यतिबेला ती बच्चा र आमाको फोटो खिच्नेको घुइँचो पनि लाग्ने गरेको बताइएको छ। हिन्दु धर्ममा भगवानहरुको एकभन्दा बढी हात र खुट्टा हुन्छन्।
हालै जन्मिएको शिशुलाई पनि सोहीकारण भगवान भन्न थालिएको द मिररले जनाएको छ।
गत जनवरी महिनामा पनि ४ हात र ४ खुट्टा भएका एक शिशुको भारतमै जन्म भएको थियो।
यसअघि बिहारको कटिहारस्थित सदर अस्पतालमा सन् २०१९ मा समेत ४ हात र ४ खुट्टा भएको बच्चा जन्मिएको थियो। ती बच्चालाई सोनु सुदले आर्थिक सहयोग समेत गरेका थिए। यस्तै चीनमा पनि यस्तै बच्चा जन्मिएको थियो। एजेन्सी
