(सागर थापा)
काठमाडौं । राष्ट्रिय प्रहरी प्रशिक्षण प्रतिष्ठानका कार्यकारी निर्देशक एवम् नेपाल प्रहरी खेलकुद समितिका सदस्य-सचिव प्रहरी अतिरिक्त प्रहरी महानिरीक्षक सहकुल बहादुर थापाले राष्ट्रिय खेलकुद परिषदको आयोजनामा गण्डकी प्रदेशमा सञ्चालन हुने “नवौ राष्ट्रिय खेलकुद – २०७९” अन्तर्गत मिति २०७९ असोज २३ गतेदेखि मिति २०७९ कात्तिक ०१ गतेसम्म पोखरा रंगशालामा सञ्चालन हुने महिला क्रिकेट खेलमा सहभागी हुने नेपाल प्रहरीको महिला क्रिकेट टिमलाई सफलताको शुभकामना व्यक्त गर्नुको साथै निर्देशन सम्बोधन गर्नुभयो ।
उक्त कार्यक्रममा प्रतिष्ठानका निर्देशक प्रहरी नायव महानिरीक्षक वुद्धिराज गुरुङ नेपाल प्रहरी अपराध अनुसन्धान विद्यालय प्रधानाचार्य प्र.व.उ. विष्णु कुमार के.सी सहनिर्देशक प्र.व.उ. अरुण पौडेल लगायत अन्य सिनियर प्रहरी अधिकृतहरुले नेपाल प्रहरीको महिला क्रिकेट टिमलाई सफलताको शुभकामना व्यक्त गर्नुभएको थियो ।
नेपाल प्रहरीको १७ सदस्यीय महिला क्रिकेट टोली सहभागिताको लागि त्यस तर्फ प्रस्थान गरेको छ ।
