दाङ । घोराही उपमहानगरपालिका वडा नम्वर ३ मा रहेको माध्यामिक विद्यालय झिंगनीको व्यवस्थापन समितिको अध्यक्ष छनौंट अन्तिम चरणमा पुगेको छ ।
यसको लागि अभिभावकहरुले सर्वसम्मतरुपमा भपुबहादुर टोमटा, शान्ता चौधरी, माघी चौधरी र मैतबहादुर चौधरीलाई सदस्यमा चयन गरेका छन् । अभिभावकहरुले छनौंट गरेका चार जना सदस्यले निर्वाचन मार्फत सीता आले र बसन्त अधिकारीलाई चयन गरेको र सो कुरालाई आधिकारिकता दिन घोराही उपमहानगरपालिका सामाजिक विकास शाखाले निर्देशन दिएको छ ।
सामाजिक विकास शाखाले घोराही उपमहानगरपालिका वडा नम्वर ३ को कार्यालयलाई चैत्र २३ गते चलानी नम्बर ५७३ राखेर पत्र पठाउँदै मावि झिंगनीमा व्यवस्थापन समिति गठन पक्रिया पुरा गर्न भनेको छ । पत्रमा भनिएको छ– श्री माध्यामिक विद्यालय झिंगनी बञ्जारीको विद्यालय व्यवस्थापन समिति गठन गर्ने प्रक्रियामा अभिभावकबाट ४ जना सर्वसम्मत छनौंट भएको र त्यही छनौंट भएका चार जनाले २ जना सदस्य मनोनयन गर्ने क्रममा बसन्तराज अधिकारीको २ मत र सीता आलेको ३ मत प्राप्त गरेकाले निजहरुलाई नै मनोनित हुने देखिएकाले विद्यालय व्यवस्थापन समितिको गठन प्रक्रिया पुरा गरी सोको जानकारी गराउन समेत अनुरोध छ । यता शिक्षा महाशाखाको पत्र प्राप्त भएपछि घोराही उपमहानगरापलिका वडा नम्वर ३ को कार्यालयले साही दिन विद्यालयको नाममा चलानी नम्बर १५७८ भएको पत्राचार गरी सोही व्यहोराको पत्र विद्यालयलाई पठाएको छ । यस विषयमा बुझ्दा अभिभावकहरुबाट छनौंट भएका चार जना सदस्यले मनोनयन गर्ने दुईजना सदस्यका लागि चारजना व्यक्तिहरुले उमेदावरी दिनु भएको थियो । जसमा सीता आलेले ३ मत र बसन्तराज अधिकारीले २ मत प्राप्त गर्नु भएको थियो । जसमा अरु दुईजनाले एकएक मत प्राप्त गर्नु भएको थियो । जसमा एक मत प्राप्त गर्नुभएका पदम सुवेदीले सीता आले र बसन्तराज अधिकारीले बढि मत प्राप्त गरेकाले आफ्नो समर्थन रहेको बताउनुभयो । यता यस विषयमा घोराही उपमहानगरपालिका वडा नम्वर ३ का अध्यक्ष रामप्रसाद चौधरीले शिक्षा ऐनमा भएकै व्यवस्था अनुसार व्यवस्थापन समितिका लागि ६ जना सदस्यहरु छनौंट भैसकेको र अध्यक्ष चयन अब छिटै हुने बताउनुभयो ।
यता विद्यालयका प्रधानाध्यापमक ऋषिराज अधिकारीले शिक्षा ऐन अनुसारनै विद्यालय व्यवस्थापन समितिले पूर्णता पाउने बताउनुभयो । यसका लागि शनिबार वैठक समेत बोलाइएको उहाँको भनाइँ छ ।
