(ABC-Sanchar)
राजविराज । जनमत पार्टीले सप्तरीमा तेस्रो जित हात पारेको छ । यसअघि सप्तरी २(१) र सप्तरी २(२) मा जित हात पारेको जनमत पार्टीले पछिल्लो पटक सप्तरी ३(२) मा जित हात पारेको छ ।
सप्तरी-३(२) मा जनमत पार्टीका शम्भुकुमार साहले बिदेश्वरप्रसाद यादवलाई ४८ मतले हराएका हुन् ।
साहले १० हजार ८ सय ६२ मत ल्याउँदा यादवले १० हजार ८ सय १४ मत ल्याएका छन् । त्यस्तै तेस्रो स्थानमा रहेका कांग्रेसका भगवतीप्रसाद यादवले ९ हजार २ सय १ मत ल्याएका छन् ।
जनमत पार्टीले सप्तरी २ प्रतिनिधिसभामा पनि फराकिलो अग्रता बनाएको छ । त्यहाँ जनमत पार्टीका अध्यक्ष चन्द्रकान्त राउतले ३१ हजार ९ सय ६३ मत ल्याउँदा जसपा अध्यक्ष उपेन्द्र यादवले १५ हजार ५ सय ८५ मत ल्याएका छन् ।
