ABC (क्राईमबिट)
काठमाडौं । राष्ट्रिय प्रहरी प्रशिक्षण प्रतिष्ठान, महाराजगञ्जमा सञ्चालन भएको २१ कार्यदिन अवधीको “Strategic Command and Management (SCM) (DIGP/SSP)Training” तेस्रो समूहको समापन कार्यक्रम आज मिति २०८०/०२/२५ गते नेपाल प्रहरी संगठनका निमित्त प्रहरी महानिरीक्षक तथा राष्ट्रिय प्रहरी प्रशिक्षण प्रतिष्ठानका कार्यकारी निर्देशक श्री टेक प्रसाद राईज्यूको प्रमुख आतिथ्यतामा सम्पन्न भएको छ । उक्त कार्यक्रममा प्रमुख अतिथिज्यूबाट दिक्षित भई जाने प्रहरी अधिकृत (प्र.ना.म.नि/प्र.व.उ) ज्यूहरुलाई प्रमाणपत्र वितरण गर्नुका साथै शुभकामना सहितको निर्देशन सम्बोधन गर्नुभएको थियो 
। सम्बोधनको क्रममा प्रमुख अतिथीज्यूले नेपालको संविधान, प्रचलित ऐन तथा कानुन,संगठनको मूल्यमान्यतालाई आत्मसाथ गर्दै संगठनको रणनीतिक एवं कार्यनितिक योजनालाई व्यवहारमा कार्यान्वयन गरी देश र नागरिकको सेवामा आफ्नो ज्ञान, सीप र विवेकको प्रयोग मार्फत उत्कृष्ठ प्रहरी सेवा प्रवाह गरी संगठनको गरिमा उच्च राख्न सदैव समर्पित रहन निर्देशन दिनुभयो । साथै उक्त तालिमलाई प्रभावकारी रुपमा सञ्चालन गर्न अथक मेहनत गर्नुहुने तालिम संयोजक प्रहरी नायव महानिरीक्षक श्री रविन्द्र के.सी.ज्यू र उहाँको टिमको प्रशंसा गर्नुभयो ।
समापन कार्यक्रममा राष्ट्रिय प्रहरी प्रशिक्षण प्रतिष्ठानका निर्देशक तथा उक्त तालिमका तालिम संयोजक श्री रविन्द्र के.सी.ज्यूले तालिम सम्बन्धी प्रतिवेदन प्रस्तुत गर्नुभएको थियो ।
