(सागर थापा)
दाङ । समुदाय प्रहरी साझेदारी कार्यक्रम अन्तर्गत असार २० गते घोराही उपमहानगरपालिका पद्मोदय क्याम्पस घोराही दाङमा जिल्ला प्रहरी कार्यालय दाङ र सामुदायिक सेवा केन्द्र घोराही दाङको संयुक्त आयोजना तथा पद्मोदय क्याम्पसको ब्यवस्थापन एवं सामुदायिक सेवा केन्द्र घोराही दाङका अध्यक्ष आर.के. शितलको अध्यक्षता एवं जिल्ला प्रहरी कार्यालय
दाङका प्रहरी प्रमुख एसपी वीर बहादुर वलीको प्रमुख आतिथ्यता एवं क्याम्पस प्रमुख किरण पौडेलको विशिष्ट आतिथ्यताको साथै उक्त क्याम्पसमा अध्ययनरत 
बिद्यार्थीहरु अन्दाजी ७० जनाको सहभागितामा जिल्ला प्रहरी कार्यालय दाङका प्रहरी प्रमुख एसपी वलीले आत्महत्या, जबरजस्ती करणी, साईवर अपराध, बाल बिवाह, बहु बिवाह, जातिय छुवाछूत, यौन दुर्ब्यवहार लगायत अपराध रोकथाम तथा नियन्त्रण सम्बन्धमा सचेतनामूलक प्रशिक्षण दिनु भएको जिल्ला प्रहरी कार्यालय दाङले जानकारी दिएको छ ।
