(ABC-Sanchar)
सिन्धुपाल्चोक । बुधबार पहिरोले अवरुद्ध अरनिको राजमार्गको बाह्रबिसे-सिरिसे खण्ड १६ घण्टापछि सञ्चालनमा आएकाे छ । चरिकोट सडक डिभिजन कार्यालयका अनुसार पहिरोले अवरुद्ध बनेको सो सडक बिहीबार मध्याह्न १२ बजेपछि राजमार्ग सञ्चालनमा आएको हो ।
बुधबार माथिल्लो भेगको भिर एक्कासी भास्सिएर सुख्खा पहिरो खस्दा एक घर पुरिनुका साथै राजमार्ग अवरुद्ध भएको थियो । काठमाडौं जोड्ने मुख्य राजमार्ग यातायात ठप्प भएपछि स्थानीय र यात्रु सास्ती बेहोर्न बाध्य भएका थिए ।
झन्डै पाँच सय मिटर माथिबाट झरेको पहिरोको अवरोध छिचोल्न घण्टौँ लाग्ने भएकाले त्यसक्षेत्रमा सुरक्षा सर्तकता अपनाउन आग्रह गरिएको बाह्रबिसे नगरका मेयर बालकृष्ण बस्नेतले बताए ।
