(ABC-Sanchar)
काठमाडौं । विश्वभर रहेका हिन्दु धर्मावलम्बीहरु माझ बाबा बागेश्वर धाम सरकारका नामले परिचित धीरेन्द्रकृष्ण शास्त्री नेपाल आएका छन् । नवलपरासीस्थित शाश्वत धाममा कथा बाचनका लागि हिन्दु धार्मिक गुरु बागेश्वर बाबा शुक्रबार नेपाल आएका हुन ।
उनले शुक्रबार ४ बजे पशुपतिनाथको दर्शन तथा पुजापाठगर्ने कार्यक्रम रहेको छ । यस्तै काठमाडौंका धार्मिक संघ संस्थाका पादधिकारीहरुसँग भेटघाट गर्ने कार्यक्रम रहेको छ । उनले प्रधानमन्त्री पुष्पकमल दाहाल प्रचण्डसँग शुक्रबार नै भेटघाट गर्ने कार्यक्रम रहेको जनाइएको छ ।
उनी चौधरी समूहले निमार्ण गरेको शाश्वत धाम शनिबार पुग्नेछन् । बागेश्वर बाबाले भदौ २ देखि ४ गतेसम्म शाश्वत धाममा हनुमान कथा वाचन गर्नेछन् ।
