धादिङको त्रिशुलीमा बस दुर्घटना डुबेका यात्रु खोज्न गोताखोरहरु परिचालन

(ABC-Sanchar)
काठमाडौं । पोखरा जाँदै गरेको यात्रुबाहक बस धादिङको गजुरी गाउँपालिकामा २ मा पर्ने चालिसेमा त्रिशुलीमा खसेर दुर्घटना भएको छ। त्रिशुलीमा खसेको बसलाइ अहिले किनारमा निकालिएको छ। बुधबार बिहान ११ः १५ मा बस त्रिशुलीमा खसेको जिल्ला प्रहरी कार्यालय धादिङले जनाएको छ।

सशस्त्रका सहायक प्रवक्ता डिएसपी शैलेन्द्र थापाका अनुसार त्रिशुलीमा डुबाएका यात्रुको खोजीको लागि उक्त स्थानमा सशस्त्र प्रहरी बल नेपाल बिपद् ब्यबस्थापन सुरक्षा वेश आदमघाटबाट डिएसपिको कमाण्डमा १६ जना र बिपद् ब्यबस्थापन तालिम शिक्षालय कुरिन्टारबाट डिएसपिको कमाण्डमा ८ जना गोताखोर सहित २६ जना सशस्त्र प्रहरीको फौज खटिएको छ।