(ABC-Sanchar)
बाँके । नेपालगञ्ज उपमहानगरपालिका वडा नम्बर १७ परस्पुर बस्ने वर्ष १७ की सालिनी पाठकको मृत्यु भएको हो।
नेपालगञ्ज १ धम्बोझीमा करिब ६ बजेको समयमा नेपालगञ्ज १७ परस्पुर बस्ने दिलिप कुमार पाठकले चलाएको भे ११ प ७६५७ नं. को मोटरसाइकललाई ना ३ ख ८८५२ नं. को डिजल बोकेको ट्याङकरले ठक्कर दिएको हाे । ट्याङकरको ठक्करबाट मोटरसाइकल चालकका छोरी पछाडि सवार सालिनी पाठक घाईते भई उपचारका लागि भेरी अस्पताल नेपालगंज बाँकेमा पठाएकोमा डाक्टरले चेकजाच गर्दा ६:१५ मा मृत घोषणा गरेको हाे । मृतकको शव नर्सिङहोम नेपालगंजमा राखिएको प्रहरीले जनाएको छ।
यस्तै मोटरसाइकल चालकको नर्सिङहोम नेपालगंज बाँकेमा उपचार भईरहेको छ । उनकाे दाहिने हात र खुट्टामा चोट फागेकाे छ । उनकाे अवस्था सामान्य रहेको छ ।
ट्याङ्कर चालक बाँकेको जानकी गाउँपालिका वडा नम्बर ४ शान्ति टोल बस्ने बर्ष ३१ को राजेश शर्मालाई नियन्त्रणमा लिइसकेको प्रहरीले जनाएको छ।
