काठमाडौं । शुक्रबार साँझ न्यूरोडमा पुत्ला जलाएका थिए भने बालेनका विरुद्धमा नारा जुलुस गरेका थिए काठमाडौँ महानगरले न्यूरोडमा फुटपाथ विस्तारको कार्य पुन सुरु गरेपछि यहाँका स्थानीय आक्रोसित भएका छन् । उनीहरुले शुक्रबार बिहानैदेखि फुटपाथ विस्तार कार्यमा रोक लगाएका थिए । वडा नम्बर २२ का वडा अध्यक्ष चिनिकाजी महर्जनको नेतृत्वमा आन्दोलन गरेका स्थानीयले महानगरका मेयरले आफूहरुसँग समन्वय नगरेको आरोप लगाएका छन् ।
दिउँसो वडा अध्यक्ष महर्जन आफैँ डोजरमापथ चढेर निर्माण कार्य रोकेका थिए । दिउँसो नगर प्रहरी र स्थानीयबीच धकेला धकेल समेत भएको थियो । उनीहरुले सञ्चारकर्मीलाई समेत दुव्र्यवहार गर्दै कुट्ने, क्यामेरामा प्रहार गर्ने तथा खिचिएको फुटेज डिलिट समेत गरिदिएका थिए ।
दिनभर न्यूरोडमा यो सबै भईरहँदा संघीय सरकारले नजरअन्दाज गरेको महानगरले जनाएको छ । संघीय सरकारले सुरक्षामा समेत ख्याल नगरेको मेयर सचिवालयले जनएको छ । आवश्यकताभन्दा निकै कम प्रहरी पठाएर सरकारले असहयोग गरेको सचिवालयका एक सदस्यले बताए ।
