२८ कार्तिक २०८३, शनिबार
14-11-2026 , Sat
×

भोटेकोशीको झल्को दिनेगरी बूढीगण्डकीको बाढीले पैयू र बगर गाउँका ३५ घर बगायो,

Logo
Abc Sanchar प्रकाशित आइतबार, आश्विन २५, २०८३

 

गोरखा । भोटेकोशीमा जस्तै गरी बूढीगण्डकी नदीमा लेदो र गेग्रान सहितको भीषण बाढी आएको छ। बाढीले गोरखाको चुमनुब्री गाउँपालिका-६ र ७ मा पर्ने पैयू र बगर गाउँका ३५ वटा घर र होटलहरू बगाएको छ।

चुमनुब्री गाउँपालिकाकी उपाध्यक्ष लक्ष्मी गुरुङका अनुसार आइतबार बिहान करिब ४ बजे ठूलो आवाजसहित आएको बाढीले दोभान, घट्टेखोला, जगत् र सल्लेरी बजारमा पनि व्यापक क्षति पुर्‍याएको छ। नदी आसपासको १५० देखि २०० मिटर माथिसम्मको तटीय क्षेत्र प्रभावित भएको छ।

गोरखाका प्रमुख जिल्ला अधिकारीका अनुसार हालसम्म मानवीय क्षति भएको विवरण प्राप्त भएको छैन, स्थानीय बिहानै ज्यान जोगाउन उच्च स्थानतर्फ भागेका थिए।

*आरुघाटसम्म उच्च सतर्कता*
चुम्चेत र छेकम्पार क्षेत्रमा सुक्खा पहिरो खसेर नदी थुनिएपछि यस्तो फ्ल्यास फ्लड आएको प्रारम्भिक अनुमान छ। बाढी पूर्वानुमान महाशाखा र विपद् प्राधिकरणले SMS मार्फत त्रिशूली दोभानसम्मका बासिन्दालाई सुरक्षित स्थानमा जान सूचना जारी गरेको छ। सिर्दिबास, जगत्, खोर्लाबेँसी, माछाखोला, सोती, आर्खेत हुँदै आरुघाट बजारसम्म ठूलो क्षति पुर्‍याउन सक्ने जोखिम रहेको बताइएको छ।

नेपाली सेनाको हेलिकप्टर सहितको टोली र नेपाल प्रहरी, सशस्त्र प्रहरीलाई तटीय क्षेत्रमा परिचालन गरिएको छ। आरुघाटको सोतीमा रहेको मोटरेबल पुल बगिसकेको र सोती बजार डुबानमा परेको अध्यक्षले बताएका छन्।

कमेन्ट गर्नुहोस्
सम्बन्धित

  बाँके । नेपालगञ्ज उपमहानगरपालिका-२ स्थित हनुमानगढीमा १०८ फिट अग्लो भगवान् हनुमानको भव्य मूर्ति निर्माण सम्पन्न भएको छ। १४ करोड ४ लाख ६३ हजार रुपैयाँ लागतमा निर्माण गरिएको यस धार्मिक संरचनाले नेपालगञ्जको धार्मिक पहिचान, पर्यटन प्रवर्द्धन तथा स्थानीय आर्थिक गतिविधिमा थप योगदान पुर्‍याउने अपेक्षा गरिएको छ। हनुमानगढीमा भव्य मूर्ति निर्माण सम्पन्न भएपछि नेपालगञ्ज धार्मिक पर्यटनको […]

  घोराही उपमहानगरपालिका वडा नम्बर १८ मा अवस्थित घोरदौरा पछिल्लो समय आन्तरिक पर्यटकको आकर्षक गन्तव्यका रूपमा विकास हुँदै गएको छ। घोराही बजारदेखि करिब छ किलोमिटर उत्तरमा पर्ने पहाडी क्षेत्रमा अवस्थित घोरदौरा प्राकृतिक सौन्दर्य, शान्त वातावरण र रमणीय दृश्यका कारण पर्यटकीय केन्द्र बन्ने प्रचुर सम्भावना बोकेको ठाउँ हो। पहाडी भूगोल, स्वच्छ वातावरण र प्राकृतिक सुन्दरताले भरिपूर्ण […]

  बाँके । नेपालगञ्ज उपमहानगरपालिकाका विभिन्न भलाद्मी मान्यजनहरूसँग राष्ट्रिय जनमत पार्टी बुलडोजर छाप नेपालगन्जका नेता इरफान अहमद शेषद्वारा छलफल तथा अन्तरक्रिया कार्यक्रम नेपालगञ्ज उपमहानगरपालिका-८ मा सम्पन्न गरेको छ। कार्यक्रममा सहभागी प्रायः सबै सहभागीहरूले आउने स्थानीय सरकारको निर्वाचनमा बुलडोजर छापलाई सघाउने प्रतिबद्धता जनाएका छन्। नेता इरफान अहमद शेष नेपालगन्ज *राष्ट्रिय जनमत पार्टी जिन्दावाद । *बुलडोजर छाप […]