बारा । सिम्रौनगढ नगरपालिका–७ झवानी टोलका नरेश रामको परिवारले विषाक्त खाना (माछा) खाँदा छोरीहरू नौ वर्षीया लालिमा राम र सात वर्षीया पुष्पा राम तथा पाँच वर्षीय छोरा कृष्णन्दन रामको ज्यान गएको हो ।
शनिवार नरेश रामले भारतबाट आएका व्यापारीबाट माछा खरिद गरेका थिए । राति खाना पकाएर सबै परिवारका सदस्यले खाएपछि केही समयमै नरेश रामका बच्चाहरूको पेट दुख्ने, बान्ता हुने र झाडापखालाको समस्या देखिएको थियो । स्वास्थ्यमा समस्या देखिएपछि उनीहरूलाई अस्पताल लगेपनि तीनै जनाको ज्यान गएको जिल्ला प्रहरी कार्यालय बाराले जनाएको छ ।
घटनाबारे अनुसन्धान गरिरहेको जिल्ला प्रहरी कार्यालय बाराका प्रहरी उपरीक्षक महेन्द्र खड्काले बताएका छन् ।
