काठमाडौं जिल्ला म.न.पा. १४ कलंकी स्थित शंकास्पद कारोबार भई रहेको भन्ने सुचनाको आधारमा यस जिल्ला प्रहरी परिसर काठमाडौंबाट खटिएको प्रहरी टोलीले उक्त स्थानमा गई निग्रानी गर्दा साबित्री वलीले श्रोत नखुलेको १५ लाख रकम बैंकमा जम्मा गर्न बोकी हिडेको अवस्थामा फेला पारी बरामद गरी नियन्त्रणमा लिई प्रारम्भिक सोधपुछ गर्दा उक्त रकम भारतिय नागरिकको रहेको र निज सावित्री वली विगत १ बर्ष देखि का.जि. का.म.न.पा. २३ न्यूरोड स्थित रहेको भारतिय नागरिकको अफिसमा काम गर्ने भनि बताएकोमा निजलाई साथमा लिई अफिसको चेकजाँच गर्दा निजको भाई सुरेश वलीको साथबाट थप श्रोत नखुलेको ४ लाख रकम फेला पारी बरामद गरी नियन्त्रणमा लिई यस कार्यालयबाट थप अनुसन्धान कार्य भई रहेको ।
क) पक्राउ परेका व्यक्तिहरु:-
१) जिल्ला दोलखा विगु गा.पा. वडा नं. ४ स्थायी घर भई हाल का.जि.का.म.न.पा १४ कलंकी बस्ने वर्ष ३५ की साबित्री वली ।
२) ऐ.ऐ. घर भई हाल का.जि.का.म.न.पा २३ न्यूरोड वस्ने वर्ष २५ को सुरेश वली ।
ख) बरामद दशी:-
१) नेपाली नगद रू. १९ लाख
२) बिभिन्न बैकको स्लिप थान ५
३) मोवाइल थान १
