काठमाडौँ । जिल्ला अदालतबाट जरुरी पक्राउ पुर्जी समर्थन गराएर काठमाडौँ प्रहरीले अनुसन्धान थालेको उपत्यका अपराध अनुसन्धान कार्यालयका एसपी काजी कुमार आचार्यले बताए ।
उपत्यका अपराध अनुसन्धान कार्यालयले ठमेलस्थित सिनेट क्लबमा कार्यरत सुर्खेत घर भएका सन्देश थापा र फायर डिस्कोमा कार्यरत ललितपुर घएका सनिप महर्जनलाई पक्राउ गरेको थियो । उनीहरू दुवै जना कर्मचारी हुन् । दुई वटा क्लबबाट १८ वर्ष भन्दा कम उमेरका ३ किशोरी र दुई जना किशोरलाई उद्धार गरेर अभिभावको जिम्मा लगाइएको एसपी आचार्यले जानकारी दिए ।
कानुन अनुसार १८ वर्षमुनिका बालबालिकालाई रात्रि क्लबमा प्रवेश गराउन मिल्दैन । काठमाडौँ प्रहरीले आरोपीहरू विरुद्ध बालबालिका सम्बन्धी ऐन–२०७५ अनुसारको कसुरमा अनुसन्धान गरिरहेको छ । सो कसुरमा ३ वर्षसम्म कैद सजाय हुने व्यवस्था छ ।
