बाँके । बैजनाथ गाँउपालिका वडा नं.५ बाँके स्थित बैजनाथ गाउँपालिकाको सभा हलमा इलाका प्रहरी कार्यालय कोहलपुरका कार्यालय प्रमुख प्र.ना.उ. धर्मराज भण्डारीको अध्यक्षतामा र बैजनाथ गाँउपालिकाका अध्यक्ष प्रकाश बहादुर शाहीको प्रमुख आतिथ्यतामा बैजनाथ गाँउपालिकाका बिभिन्न राजनितिक दलका नेता कार्यकर्ता, जनप्रतिनिधिहरु, बैजनाथ उद्योग बाँणिज्य संघ, बिभिन्न विद्यालयका प्रधानाध्यापकहरु, बिभिन्न संघ संस्थाका प्रमुख तथा प्रतिनिधिहरु, समाजसेवी, भद्र भलादमी, युवा क्लब, बैजनाथ गाँउपालिका स्तरिय महिला संजालहरु, संचारकर्मी, बजार व्यवस्थापन समितिका पदाधिकारीहरु र सर्वसाधरणहरु समेत गरी ७४ जनाको उपस्थितिमा नागरिक सुनुवाई कार्यक्रम सम्पन्न गरियो । प्रहरी निरीक्षक रेशमलाल पौडेलले संचालन गर्नुभएको कार्यक्रममा लागु औषध नियन्त्रण, सवारी दुर्घटना न्युनिकरण, महिला हिंसा,घरेलु हिंसा नियन्त्रण लगायत बिषयमा अन्तरक्रिया गर्नु भई उठेका सवालहरुको जवाफ जिल्ला ट्राफिक प्रहरी कार्यालयका प्रहरी निरीक्षक पुष्कर राज पन्त , बैजनाथ गाँउपालिका उपाध्यक्ष निर्मला रोकाय अध्यक्ष प्रकाश बहादुर शाही र प्रहरी नायव उपरीक्षक धर्मराज भण्डारीले दिनु भयो ।
