काठमाडौं । एजेन्सी भारतको महाराष्ट्र राज्यका पूर्वमन्त्री बाबा सिद्दिकीको हत्यापछि बलिउड अभिनेता सलमान खानको सुरक्षामा कडाई गरिएको छ ।
सिद्धिकी हत्यामा गुन्डा नाइके लरेन्स बिश्नोईको गिरोहको संलग्नता खुलेपछि सलमानमाथि सुरक्षा थ्रेट हुन सक्ने आशंकामा सुरक्षा बढाइएको हो । लरेन्स समूहले बाबा सिद्धिकीको हत्याको जिम्मेवारी लिएको छ ।
सिद्धिकी सलमानका एक निकट सहयोगीसमेत थिए । सिद्धिकीको शनिबार राति मुम्बईमा गोली हानी हत्या गरिएको गरिएको थियो । लरेन्सको समूहले पटकपटक सलमानलाई ज्यान मार्ने धम्की दिँदै आएको छ ।
लरेन्सगिरोहका सदस्य शुभु लोन्करले सामाजिक सञ्जालमार्फत बाबा सिद्दिकीको हत्याको जिम्मेवारी लिएका छन् । शुभुले सलमानको नाम लिँदै उनी र दाउद गिरोहलाई सहयोग गर्ने सबैलाई सचेत रहन धम्की दिएका छन् ।
धम्कीपछि सलमानको सुरक्षा बढाइएको अधिकारीहरुलाई उद्धृत गर्दै समाचारमा जनाइएको छ ।
सलमान र उनका सुरक्ष्बााका लागि सुरक्षाकर्मीको संख्या बढाइएको छ । सलमानको ग्यालेक्सी अपार्टमेन्टबाहिर बाक्लो सुरक्षा थैतानी बढाइएको इण्डिया टुडेले जनाएको छ ।
