हैटोडा । इलाका प्रहरी कार्यालय मनहरी मकवानपुरबाट खटिएको प्रहरी टोलीले जिल्ला मकवानपुर मनहरी गाउँपालिका वडा नं. ८ सिम्पानी स्थित पुर्व पश्चिम लोकमार्ग सडकखण्डमा सवारी साधनहरु रोकी चेकजाँज गर्ने क्रममा राक्सीराङ चैनपुरतर्फबाट हेटौडातर्फ आउँदै गरेको बा.प्र.०६-००१ च ००६२ नं.को बोलेरो पिकअप गाडीलाई शंका लागी सो गाडी तथा चालक जिल्ला मकवानपुर कैलाश गाउँपालिका वडा नं.४ बस्ने बर्ष २२ को छेटुप थिङलाई पक्राउ परेका थिए।
उन लाई रितपुर्वक खानतलासी गर्दा बोलेरो पिकअप गाडीको पछाडीको ढाला भित्र लुकाई छिपाई गरी ल्याईएको अवस्थामा लागु औषध गाँजा ८१ किलो फेला परेको हुँदा उल्लेखित ला.औ.गाँजा , बा.प्र.०६-००१ च ००६२ नं.को बोलेरो पिकअप गाडीलाई कानून बमोजिम बरामद गरी निज छेटुप थिङलाई नियन्त्रणमा लिई ला.औ.गाँजा मुद्धामा थप अनुसन्धान कार्य भईरहेको प्रहरीले जानकारी गराएका छन।
