काठमाडौं । संयुक्त राष्ट्रसंघको आह्वानमा शान्ति स्थापनार्थ डेमोक्रेटिक रिपब्लिक अफ कंगोमा रहेको संयुक्त राष्ट्रसंघीय स्टेबलाइजेसन मिसनमा तैनाथ हुन नेपाली शान्ति सेनाको एउटा टोली शुक्रबार त्यसतर्फ गएको छ।
नेपाली सेनाका अनुसार श्री चण्डीदल गण ३१ औं डफ्फाको १६२ जना नेपाली शान्ति सैनिकको छैटौं तथा अन्तिम टोली सेनानी रत्नबहादुर श्रेष्ठको नेतृत्वमा गएको हो। उक्त टोली संयुक्त राष्ट्रसंघको चार्टर्ड विमानद्वारा मिसन इलाका प्रस्थान गरेको छ।हाल कंगो मिसनमा नेपाली सेनाको एउटा गण, दुई वटा गुल्मका साथै स्टाफ तथा सैनिक पर्यवेक्षकसहित १ हजार १ सय ४९ जना शान्ति सैनिक कार्यरत छन्।
