काठमाडौं । सामाजि सञ्जालमा अभ्यस्त मानिसहरु मध्ये पदम तामाङलाई नचिन्ने सायद कमै होलान् । सिक्किम निवासी पदम तामाङ अभिनित ‘गोबर गणेश’ यतिबेला सिनेमा हलहरुमा प्रदर्शनरत छ । यस अघि ‘होस्टेल ३’ चलचित्रबाट नेपाली सिने बजारमा डेब्यु गरिसक्नु भएका पदमले सिक्किममा नै बनेको फिल्म ‘लिपस्टिक गोलाइ’ बाट पहिलो पटक सिनेमाको अनुभव बटुली सक्नु भएको थियो।
‘होस्टल ३’ भन्दा पहिला उहाँलाई अहिले उहाँ कै फिल्म ‘गोबर गणेश’संग भिडिरहेको ‘भाइरल गोर्खे’बाट अफर आएको रहेछ । तर त्यसको लागी उहाँलाई मानसिक रुपमा तयार हुन गाह्रो भएछ । उहाँ भन्नु हुन्छ : “मैले अभिनयको तालिम लिएको थिएँ । न त एकैचोटि सौगात मल्लजस्तो दिग्गज कलाकारसँग स्क्रिन सेयर गर्ने आँट थियो । उहाँसँग काम गर्ने इच्छा कसलाई हुँदैन होला । त्यो मेरो लागि ठूलो अवसर थियो । तर त्यसबेला आँट गर्न सकिनँ।”
‘हौस्टेल ३’ सुपरहिट भयो अब उहाँको दोस्रो फिल्म ‘गोबर गणेश’लाई पनि दर्शकहरुले साथ दिने कुरामा पदम बिश्वस्त हुनुहुन्छ । ‘गोबर गणेश’ भन्दा अघि उहाँलाई अनमोल अभिनित फिल्म ‘बाटुलो जून’ बाट पनि अफर आएको रहेछ, तर छोरीको स्कूल सम्बन्धी डकुमेन्टेसनको काममा व्यस्त भएकोले त्यो अवसर आफुले गुमाउनु परेको कुरा उहाँ बताउनु हुन्छ ।
माघ १ गते देखि नेपाली सिनेमा हलहरुमा प्रदर्शनरत चलचित्र ‘गोबर गणेश’मा आफुले गुरुङ क्यारेक्टरको भुमिका निर्वाह गरेको पदमले बताउनु भयो । उक्त क्यारेक्टरको लागी आफुले कम खाना खाएको र कपाल पालेको रोचक कुरा पनि उहाँले हाम्लाई सुनाउन बिर्सिनु भएन ।
मरिचमान ( बल्छी ध्रुबे ) ले निर्देशन गर्नु भएको ‘गोबर गणेश’मा पदम तामाङको अलाव बर्षा शिवाकोटी, मरिचमान श्रेष्ठ ( बल्छी ध्रुबे ), बिनोद न्यौपाने, निर्मल शर्मा, लक्ष्मीनाथ तिमिल्सिना, सन्तोष बानिया जस्ता कलाकारहरुको अभिनय रहेको छ ।
