दाङ । गैरसरकारी सस्था महासंघले पेरिस सम्झौता कार्यान्वयन गर्नुपर्ने, प्राकृतिक स्रोत साधन माथिको पहुँच वृद्धि गर्नुपर्ने माग लगायतका माग राखि विरोध गरिरहेको छ । यसै क्रममा महासंघ लुम्बिनी प्रदेशले शनिबार दाङको राप्ती गाउँपालिका-२ बराखुट्टीमा पत्रकारहरू सँग छलफल गरेको छ । महासंघका लुम्बिनी प्रदेश कार्यक्रम संयोजक केशव भुसालले जलवायु संकट समाधान गर्नुपर्ने, खनिज ईन्धन बन्द गर्नुपर्ने, गरिब श्रमिकलाई नभई धनाढ्यलाई कर लगाउनु पर्ने, आर्थिक असमानता बढाउने निति खारेज गर्नु पर्ने, जिउन पुग्ने ज्यालाको व्यवस्था गर्नुपर्ने, सबै श्रमिकलाई सामाजिक सुरक्षा सुनिश्चित गर्नु पर्ने र गुणस्तरीय सार्वजनिक सेवामा लगानी गर्नुपर्ने माग रहेको बताए ।
त्यस्तै उनले शिक्षा, स्वास्थ्य, खाद्य सुरक्षा, विपद व्यवस्थापन बसाईसराई लगायतका क्षेत्रमा असमानता विरुद्ध आबाज उठाई शक्ति राष्ट्रहरुलाई विकाशसिल तथा बिकासन्मुख राष्टहरुको पक्षमा अर्न्तराष्टिय सम्बन्ध कायम गर्न, नेपालमा आर्थिक, राजनैतिक लगायत असामानताका विभिन्न आयामहरुमा सम्बन्धित सबै पक्षमा ध्यान केन्द्रित गराउन, बढदो जलबायु संकट समाधानमा शक्ति राष्ट्रहरुको ध्यान आकृष्ट गरि जलबायुमैत्री कार्यव्यबस्था तथा विकासशिल राष्ट्रहरुलाई उचित क्षतिपुर्ती र लगानी मैत्री वातावरण तयार जरुरी रहेको बताए ।
नेपाल पत्रकार महासंघ लुम्बिनी प्रदेश सदस्य ओमप्रकाश गुप्ताको अध्यक्षतामा भएको कार्यक्रममा हिमालय टेलिभिजनका सन्तोष कुमार गुप्ता, लुम्बिनी सञ्चार डटकमकी लक्ष्मी पोख्रेल, हाम्रो लुम्बिनी न्युज डटकमका बासुदेव न्याैपाने, रेडियो राप्ती/ राप्ती टेलिभिजनका लालमणी भुसाल, एबीसी सञ्चार डटकका विदुर एमसी, देउखुरी टुडे डटकमका मोतीराम भट्टराई, ललित कुमाल, राप्ती प्रेस मञ्चकी किरण जिसी,सन्तोष थापा लगायतको उपस्थिति रहेको थियो ।
