बाँके – नेपालगन्ज । हिउँदका महिना जताततै मेला महोत्सव चलिरहेकै छन् । आयोजकहरुलाई मात्रै होइन । आफ्नो कला,गलाका प्रस्तुतिहरु पस्किएर नाम र दाम कमाउन कलाकारहरु पनि त्यत्तिकै व्यस्त छन् ।
आयोजकले नाम चलेका कलाकारको नाउँमा त्यही अनुसार व्यानर सहित भोंक्रो सुक्नेगरि प्रचारप्रसार गरेको हुन्छ । त्यही नाम चलेको कलाकारलाई हेर्ने र उसको प्रस्तुति प्रत्यक्ष देख्न – सुन्न आम दर्शकहरु लालायित हुन्छन् । मरिहत्ते गर्छन् ।
माघ १२ गते बाँकेको नेपालगन्जमा सञ्चालित महोत्सवमा आफ्नो प्रस्तुति राख्न आउने भनेर
गायक तथा मोडल दुर्गेश थापा आउने भनेर खुबै प्रचारप्रसार गरिएको थियो । तर कलाकार थापा आएनन् । फलतः दर्शकहरु निराश भएर त्यहीँ महोत्सव स्थलमै आयोजकका विरुद्धमा दर्शकहरुले नाराबाजी समेत गरेका थिए ।
आयोजकले बाँके जिल्ला नेपालगञ्जस्थित कारकाँदो प्रहरी गुल्म अगाडी गत पुस ३० गतेदेखि सो महोत्सव शुरु भएको थियो । महोत्सवमा माघ १२ गते, सोमबारका लागि चर्चित कलाकार दुर्गेश थापा आउने भनेर निकै दिन अगाडिदेखि अनेकौं तरिकाले हल्ला गरेको थियो । तर दु:खद कुरा भन्नुपर्छ, सोमबार रातिसम्म पनि ती गायक थापा स्टेजमा नदेखिएपछि दर्शकहरु निकै निराश हुँदै घर फर्किए ।
नाम चलेका कलाकारका नाउँमा महोत्सव आयोजकले टिकट बिक्री गरेर लाखौं रकम असुल्ने । तर कलाकार नआएर आयोजकले बेइमानी गरेको नेपालगञ्ज महोत्सवमा आएका बाँकेको खजुराका,बर्दिया गुलरियाका केही दर्शकको गुनासो छ ।
हामीलाई नाम चलेका कलाकार दुर्गेश आउँछन्, भनेर टिकट काट्न लगाइयो । तर त्यो टिकट त्यत्तिकै गयो । रातिसम्म उनी आएनन्,अर्का दर्शक बताउँछन् । यी त केही प्रतिनिधिमूलक आवाज र बोलीहरु हुन् ।
सोमबारका लागि दुर्गेश आउन नसकेको भए तापनि आगामी माघ १७ गतेका लागि उनै कलाकार दुर्गेश थापा आउने कुरा दुर्गेशले भिडियो मार्फत आफैं जानकारी गराएका छन् । सोही अनुसार माघ १७ गतेका लागि दर्शकलाई महोत्सवमा निशुल्क टिकट उपलब्ध गराउनुपर्ने दर्शनकहरुको माग छ ।
तसर्थ, नेपालगञ्ज कारकाँदो चोकमा सञ्चालन गरिएको महाेत्सवमा माघ १७ गते सम्पूर्ण दर्शकका लागि टिकट फ्री गरिनुपर्छ । आयोजक यसतर्फ जिम्मेवार बनोस् भन्ने सबैको अपेक्षा रहेकोे छ । यता नेपालगन्ज महोत्सव आयोजकले चर्चित गायक तथा मोडल दुर्गेश थापा बिबिध कारणबस आउन नसकेको भन्दै दर्शकहरुसङ महोत्सव आयोजकले क्षमा मागेको सूचना सार्वजनिक गरेको छ ।
