कैलाली । कञ्चनपुर प्रहरीका अनुसार आइतबार बिहान करिब साढे २ बजे कञ्चनपुरको लालझाडी गाउँपालिका वडा नम्बर ६ मा किसन सिंह साउदको घरमा जंगली हात्तीले आक्रमण गरेको थियो ।
हात्तीले आक्रमण गरेपछि घरबाट भाग्ने क्रममा उनकी आमा ५५ वर्षीया पार्वती साउद र छोरी ६ वर्षीया रोजिना साउद घाइते भएको खबर स्थानीयले प्रहरीलाई दिएका थिए ।
प्रहरीले घाइते दुवै जनालाई टीएन्डसी अस्पतालमा सामान्य उपचार गरिएको जनाएको छ ।
थप उपचारका लागि धनगढी रिफर गरिएकोमा बिहान सवा ६ बजेतिर ६ वर्षीया रोजना साउदको नवजीवन अस्पताल धनगढीमा उपचारको क्रममा मृत्यु भएको हो ।
