प्रहरी र सेनालाई दोष देखाएर छानबिन प्रतिवेदन आयोगका सदस्य विज्ञानराज अख्तियारको आयुक्त बन्ने दाउमा,

काठमाडौं । प्रहरी र सेनालाई फागुन २४ मा जेनजी आन्दोलनको छानबिन प्रतिवेदन बुझाएपछि आयोगका सदस्य विज्ञानराज शर्मा अख्तियार दुरुपयोग अनुसन्धान आयोगको आयुक्त बन्ने चलखेलमा लागेका छन् ।आयोगमा बसेर काम गर्दा अन्य पदाधिकारीले भन्दा धेरै चलखेल गरेको आरोप शर्मा माथि लागेको छ । खासगरी प्रहरी र सशस्त्रका उच्च अधिकृतहरु माथि शर्माले पूर्वाग्रह राखेर विभागीय कारवाही र फौजदारी कानुन अनुसार अनुसन्धान गर्न सिफारिस गर्न भूमिका खेलेको नेपाल प्रहरीका एक जना उच्च अधिकृतले बताए ।
प्रतिवेदन तयार गर्नुअघि नै संसदमा झन्डै दुई तिहाइ मत ल्याउन सफल रास्वपाका नेताहरूसँग भेटेर शर्माले अख्तियारमा जानेबारे छलफल गरेको जानकारहरू बताउँछन् अख्तियारका एक जना आयुक्त किशोर सिलवाल मंसिर २५ देखि अवकाश मा गएका थिए । उनको स्थानमा आयुक्त नियुक्त हुन शर्माले लबिङ गरेका हुन् । रास्वपान का एक जना उच्च पदाधिकारीले भने शर्माले आफूलाई अख्तियारको आयुक्त बन्न योग्य उम्मेदवारको रूपमा प्रस्तुत गर्दै त्यहाँ गएर काम गर्ने इच्छा देखाउनु भएको छ ।