बाँके । नेपालगन्ज २०६२-६३ काे दाेस्राे जनआन्दोलनमा ताेडफाेड गरेर फालिएकाे वीरेन्द्रको शालिक गएराति २ बजे राखिएकाे छ ।
धम्बाेझीचाेकमा वीरेन्द्रको शालिक राख्न राजावादीले निरन्तर दबाब दिइरहेका थिए । एक/दुई पटक जबरजस्ती राख्ने प्रयास भएकाे थियाे ।
जसलाई तत्कालीन सरकार समर्थित नेताहरुकाे निर्देशनमा प्रहरीले राेक्दै आएकाे थियाे । अहिले नेपालगन्ज उपमहानगरपालिकाकाे नेतृत्वमा राजाकाे शालिक पुनस्थापना गरिएकाे छ ।
राजाकाे शालिक राख्ने भएपछि राजसंस्थाप्रति आस्था राख्ने दलका नेताहरु राती वीरेन्द्रचाेक पुगेका थिए ।
राप्रपाका नेता एवं राजाकाे शालिक राख्न निरन्तर दबाब दिइरहेका ऋषिराज देवकाेटाले २० वर्षपछि राजाकाे शालिक पुनस्थापना हुँदा धेरै खुसी लागेकाे बताए ।
नेपालगन्ज उपमहानगरपालिकाले जेनजी विद्राेहकाे बेलामा ताेडफाेड गरिएका नेता तथा शहिदकाे शालिक पुनः राख्ने क्रममा राजाकाे पनि राखेकाे हाे ।
नेपालगन्जका चाेक-चाेकमा रहेका शालिकहरु सबैजसाे राखिएकाे छ । जेनजी विद्राेहमा वीपी, पुष्पलाल, गणेशमान, सहिद सेतु विककाे शालिक ताेडफाेड गरिएकाे थियाे । ती सबै पुनस्थापना गरिएकाे छ ।
दाेस्राे जनआन्दोलनमा ताेडफाेड गरिएकाे राजाकाे त्रिभुवनकाे शालिक यसअघि नै राखिएकाे छ ।
आधा कदकाे उक्त शालिक त्यतिबेला कामचलाउका रुपमा राखिएकाले अब त्यहाँ पनि अर्काे शालिक राख्न राजावादीले दबाब दिएका छन् ।
लामाे समयदेखि रहेकाे र विभिन्न आन्दोलनका क्रममा ताेडफाेड भएका सबै ऐतिहासिक शालिक राखिएकाे मेयर प्रशान्त विष्टले बताए । देश सन
