काठमाडौं । नेकपा एमालेकी सांसद साजिदा सिदिकीले उठाएको मुद्दा एकदमै सान्दर्भिक छ। युट्युब, टिकटक, फेसबुक रिल्स बनाएर “भ्यूस” बटुली घर चलाउने हजारौं युवा/महिला छन् नेपालमा। उनीहरूलाई “भिखारी”,समाज बिगार्ने” भनेर गाली गर्ने, दुर्व्यवहार गर्ने सोच साँच्चै अपराधी सोच हो।
डिजिटल दुर्व्यवहार बढ्दो छ कमेन्टमा गाली, थ्रेट, डक्सिङ, महिलालाई चरित्र हत्या गर्ने प्रवृत्ति धेरै छ। यो “अभिव्यक्ति” होइन, साइबर अपराध हो।
कति युवा विदेश जानबाट रोकिएर यहीबाट डलर कमाइरहेका छन्। सरकारले “स्टार्टअप” भन्छ, तर क्रियटरलाई सम्मान दिँदैन।
कानुनले इलेक्ट्रोनिक कारोबार ऐन २०६३ र साइबर अपराध सम्बन्धी कानुनले अनलाइन गाली-गलौज, धम्की, मानहानीलाई कारबाही गर्ने व्यवस्था गरेको छ। तर “अपराधी सोच भएका मानिस” भन्ने मात्रैले पुग्दैन – स्क्रिनसट, लिङ्क, प्रमाण लिएर साइबर ब्युरो काठमाडौं वा जिल्ला प्रहरीमा उजुरी दिनुपर्छ।
स्वतन्त्रताको नाममा कसैले अश्लील, घृणा फैलाउने, हिंसात्मक कन्टेन्ट बनायो भने त्यो पनि कारबाहीमा पर्छ। सांसद सिदिकीले माग गरेको तुरुन्तै पक्रेर कानुनी कारबाही”माग गरेका छन् ।
भ्यूसका लागि भिख माग्नु अपराध होइन, अर्कालाई हेप्नु अपराध हो। सरकारले चाँडै स्पष्ट नीति ल्याओस् भन्ने त मेरो पनि माग हो।
