सिन्धुली । पत्रकारको परिचयपत्र बोकेर हिड्ने सिरहाका लक्ष्मीपुर घर भएका २६ वर्षीय उमेश कुमार यादव ला”गुऔषध कारोबारमा संलग्न रहेको खुलेको छ । उमेशसहित ३ जनालाई प्रहरीले पक्राउ गरेका हुन् ।
प्रहरीका अनुसार उमेशसंगै पक्राउ पर्नेमा लहान नगरपालिका-१० घर भएका ३० वर्षीय रमेश कुमार राम र लक्ष्मीपुर गाउँपालिका-२ का २५ वर्षीय गुल्सन प्रसाद साह छन् ।
सिन्धुलीको दुधौली नगरपालिका-९ बाट बा. १६ च. ७८४६ नम्बरको कारसहित पक्राउ परेका उनीहरुको साथबाट ४४ ग्राम ३४० मिलिग्राम खैरो हेरोइन बरामद गरेको प्रहरीले जानकारी दिएको छ ।
