दाङ । चाडपर्व नजिकिएसँगै सडकमा सवारीको चाप बढ्न थालेको छ। यात्रुको आवागमन बढेसँगै दुर्घटनाको जोखिम पनि बढ्ने भएकाले दाङको लमहीमा सवारी चालक लक्षित विशेष निगरानी तथा लापसे चेकजाँच सुरु गरिएको छ।
पूर्व-पश्चिम महेन्द्र राजमार्ग अन्तर्गत लमहीमा वडा प्रहरी कार्यालय लमही र अस्थायी ट्राफिक प्रहरी पोष्ट लमहीले चाडपर्वका बेला हुनसक्ने सम्भावित दुर्घटना न्यूनीकरणका लागि निगरानी बढाएका हुन्।
बिहीबार लमहीस्थित जैविक विविधता ग्रिनपार्क अगाडि चालकले लागुऔषध वा मदिरा सेवन गरे/नगरेको परीक्षण गर्न टीएचसी किट प्रयोग गरी लापसे जाँच गरिएको थियो।
