काठमाडौं । ७१औं प्रहरी दिवस २०८३ को अवसरमा गृहमन्त्री प्रहरी प्रधान कार्यालय नक्साल पुग्नुभएको छ।
प्रहरी प्रधान कार्यालयमा आयोजित विशेष समारोहमा गृहमन्त्रीको प्रमुख आतिथ्यता रहेको थियो।
यस वर्ष ‘विपद्मा सारथि, संकटमा छहारी : प्रविधियुक्त नेपाल प्रहरी’ भन्ने नाराका साथ ७१औं प्रहरी दिवस मनाइँदै छ।
प्रहरी महानिरीक्षक दानबहादुर कार्कीले दिवसको अवसरमा शुभकामना सन्देश जारी गर्दै अमर प्रहरीप्रति उच्च सम्मान व्यक्त गर्नुभएको छ। राष्ट्र र नागरिकको सेवामा जीवन उत्सर्ग गर्ने प्रहरीको बलिदानलाई स्मरण गर्दै उहाँले प्रहरी संगठनलाई अझ प्रविधिमैत्री र नागरिकमैत्री बनाउँदै लैजाने प्रतिबद्धता व्यक्त गर्नुभएको छ।
दिवसको अवसरमा देशभर वृक्षारोपण, रक्तदान, सरसफाइ लगायतका कार्यक्रमहरू आयोजना गरिएको छ भने उत्कृष्ट कार्य गर्ने प्रहरी कर्मचारीहरूलाई पुरस्कृत समेत गरिएको छ।
