दाङ । लुम्बिनी प्रदेश अन्तर्गत जिल्ला प्रहरी कार्यालय, दाङका कार्यालय प्रमुख प्रहरी उपरीक्षक (एसपी) दिपक श्रेष्ठ २०८३ असोज महिनाको उत्कृष्ट प्रहरी (BEST POLICE OF THE MONTH) छनोट गरी पुरस्कृत हुनुभएको छ।
लुम्बिनी प्रदेश प्रहरी कार्यालयले मासिक कार्यसम्पादन मूल्यांकनका आधारमा उत्कृष्ट प्रहरी छनोट गर्दै आएको छ। अपराध नियन्त्रण, शान्ति सुरक्षा सुदृढीकरण र नागरिकमैत्री सेवा प्रवाहमा उल्लेखनीय योगदान पुर्याएको भन्दै एसपी श्रेष्ठलाई असोज महिनाको उत्कृष्ट प्रहरी घोषणा गरिएको हो।
दाङमा शान्ति सुरक्षा कायम राख्न र जटिल घटनाको सफल अनुसन्धानमा उहाँको नेतृत्वदायी भूमिका रहेको प्रहरीले जनाएको छ।
